2016 Miss Solomon Islands Pageant Contestants

Postim 24 October 2016, 16:10 AEDT

Sam Seke

Olketa oganaisa blong Miss Solomon Islands Pageant fo disfala yia i gohet nao fo redi fo 3-day event wea bae hem stat long disfalaTosde naba 27 to kasem Sarere naba 29 October.

2016 Miss Solomon Islands Pageant finalists (Photo Joyce Konofilia) (Credit: ABC) 

Odio: Solomon Islands Pageant Director and CEO Joyce Konofilia i toktok wetem Sam Seke

Sikisfala yang gele nao olketa i makim olsem faenalists, and Pageant Director and CEO Joyce Konofilia hem se crowning seremoni bae olketa holem long Coral Seas Resort and Casino - wea olketa tu i mein sponsor blong event.

 

Wina blong Miss Solomon Islands Pageant bae hem go reprisentim kantri long Miss South Pacific Pageant.

 

Ms Konofilia hem se olketa didiferen jaj nao bae jajim olketa kontestan ia long trifala dei ia.

 

Bat hem se long Crowning Night long faenol de bae hem garem faef fala jaj bae jaj long faef fala category.

http://www.radioaustralia.net.au/tokpisin/2016-10-24/2016-miss-solomon-islands-pageant-contestants/1627712